?

Log in

No account? Create an account

Романо блог

А это задание для тех, кто в языке уже шарится :) а также цыганам для детей сказочка.

Journal Info

якх
Name
Романи Якх
Website
Романы Культуры и Джиипэн

А это задание для тех, кто в языке уже шарится :) а также цыганам для детей сказочка.

Previous Entry Поделиться Next Entry
якх
Ну, кто перескажет, что написано?

Падарки вэшыткостыр дадэстыр

Джидя про свэто екх пхивлы, исыз латэ дуй чяя. Адава ромны исыз холямы тэ скэмпо джювлы, набут кон шундя латыр лаче лава. Э чяй пхурыдыр исыз сари сыр лакри дай, никонэс на камэлас, на исыз латыр патыв никонэскэ. А вавир чяй, тэрныдыр, исыз сари сыр лакиро дад: спокойно, вэсэло, лачи, патываса сарэнгэ. Чяя дуй исыз гожа, нэ коли холямы чяй джялас табороса, рома отрисёнас, а коли лачи чяй джялас, рома радысонас.
Э пхивлы камья пэскрэ чя барыдыр, и на камья ваврэ чя. Саро дывэс холямы чяй исыс бэшты дрэ шатра и дыкхэлас дро глындало, а лачи чяй саро дывэс буты кэрэлас. Холямэ чякэ пхивлы дэлас ленты дрэ чюрья, а лачи чяй вкхувэлас дрэ чюрья фэлдытка лулудя.

Екх моло лачи чяй гыя пал о паны. Паш вэшытко ґанынг, кай э чяй всегда лэлас паны, ёй удыкся пхуроро.
— Дэ мангэ тэ пьяв, чяй, — пхуроро мангя. Чяй тутжэ лыя паны кхорэса тэ дыя лэс пхурорэскэ:
— Пи, папу, тэ яв састо!
Пхуроро попья тэ пхэндя:
— Наис тукэ, чяй! Тро йило сумнакуно, трэ лава сыр куч бара!
Сразу пала долэ лава ёв пропэя. Чяй здардя тэ припрастандыя дрэ шатра.
— Даё! — дыя ёй годлы, и тутжэ лакирэ мостыр пэя екх алмазо.
— Со ада?! Со ада?! — пучя пхивлы, тэ лакирэ якха явьян барэ сыр пирья.
Э чяй ракирдя ваш страннонэ пхурорэскэ. Кажнонэ чякирэ лавэса лакрэстыр мостыр пэя екх куч бар. Когда ёй отракирдя, паш лакирэ ґэра пасёнас шэл алмазы, рубины, изумруды тэ ваврэ куч бара.
Тутжэ пхивлы кхардя вавре чя и пхэндя ла тэ лэл о кхоро, тэ джял кэ вэшытко ґанынг и одой тэ дэл паны пхурорэскэ. Холямы чяй лыя тыкнинько рупуво кхороро и уджя кэ вэшытко ґанынг.

Одой ёй лыяпэ тэ дыкхэл дро паны сыр дро глындало. Сыго, кэ чяй явья видно учё мурш барэ калэ бродаса.
— Дэ мангэ тэ пьяв, чяй, — ёв мангя. Холямы чяй збандякирдя муй.
— Вашсо ту джяс адай, коли мэ дужакирава вэшытконэ пхурорэс? — чяй пучя холямэ глосьяса. — Мишто, пи, только сыго, и на мэлякир о паны дро мирэ рупувэ кхороро.
О мурш покунякирдя шэрэса.
— Ту сан налачи чяй! Тро йило сапитко, трэ лава жамбитка!
Сразу пала долэ лава ёв пропэя. Холямы чяй здардя тэ упрастандыя дрэ шатра. Впрастандыя и дыя годлы:
— Даё, даё!!!
Тутжэ лакирэ мостыр пэя екх жамба и екх сап.
— Со ада?! — пучя пхивлы. Холямы чяй лыяпэ тэ ракирэл, нэ лакирэ мостыр пэрэнас и пэрэнас жамбы и сапа, и лакри дай здардя. Ёй потрадыя холямэ чя шатрицатыр. Отэнчя ёй потрадыя и лаче чя.

Карик упрастандыя холямы чяй, никон на джинэл. А лачи чяй погыя дро вэш. Одой ёй джялас саро дывэс и бевеле выгыя про лэнгицо. Про дова лэнгицо тэрдёлас барвало таборо. Екх тэрно гожо чяво удыкся ла и пучя, катыр ёй пригыя. Чёрори ракирдя пэскрэ история. Кажнонэ лавэса лакирэ мостыр пэя екх куч бар.

— Оґо! — чяво пхэндя. — Ту сан чяй лаче придынэса! Джя пал мандэ!

Лынэпэ ёнэ пал васта, пригыя дрэ чявэскри шатрица и кэрдэ шэрэнца чавэскрэ дадэнгэ.

А про вавир дывэс исыс о бьяв. Саро таборо гулиндя, вэсэлиндя, ягвин пия, мэ одой кхэлдём, тумэнгэ ракирдём.
Метки:
Разработано LiveJournal.com